კარლო ანჩელოტიმ „ბილბაოსთან“ გამარჯვების შემდეგ პრესკონფერენცია გამართა...

„იქმნება შთაბეჭდილება, რომ ჯუდ ბელინგემი წლების მანძილზე მადრიდის „რეალის“ ღირსებას იცავს, მას არნახული ნიჭი აქვს. ის სხვა სამყაროდანაა. ფაქტია, რომ ნახევარმცველი ყოველდღიურად უმატებს, რაც ჩემში დიდ ემოციებს იწვევს.“

„ედერ მილიტაოს დაზიანება სერიოზულია, მას ტკივილები აქვს. მყესების გაწყვეტას გამოვრიცხავთ, თუმცა საქმე მარტივ ტრავმასთანაც არ გვაქვს. სრულფასოვანი სამედიცინო შემოწმების შემდეგ ყველაფერს გავარკვევთ.“

„როდრიგო ამ სეზონში კიდევ უფრო მეტ თამაშს დაიწყებს სასტარტო შემადგენლობიდან.“

„ვინისიუსი ახალ პოზიციაზე თამაშობს და ვფიქრობ, ადაპტაციას ეფექტურად გადის. ბრაზილიელისთვის ეს სერიოზული სიახლეა.“

„ლუნინი საკმაოდ კარგად იყო. უკრაინელმა კიპერმა განსაკუთრებული კონცენტრაცია გამოიჩინა და ყველა მომენტში ეფექტურად გამოდიოდა.“

„ვერ ვიტყვი, რომ კროოსი და მოდრიჩი ამ სეზონში სასტარტო შემადგენლობის ფეხბურთელები არ იქნებიან.“

„კეპა? მოდით, ახლა ნუ ვისაუბრებთ ფეხბურთელზე რომელიც „ბლანკოსს“ არ ეკუთვნის.“