„ბილბაოს“ მთავარმა მწვრთნელმა, ერნესტო ვალვერდემ პირველი ტურის წინ პრესკონფერენცია გამართა, სადაც მადრიდის „რეალზეც“ ისაუბრა...

„ჩვენ ძალიან ძლიერი მეტოქე გვყავს. პირველ ტურში ჩემპიონატის ერთ-ერთი უძლიერესის კლუბის წინააღმდეგ ასპარეზობა მარტივი არ არის, მაგრამ კარგად მოვემზადეთ და ვეცდებით, წარმატებული სტარტი გვქონდეს.“

„ანჩელოტის განკარგულებაში არიან ძალიან გამოცდილი ნახევარმცველები, ასევე სუპერ სწრაფი ვინგერები და კარგი მცველები.“

„მადრიდელებმა არაერთი ტრანსფერი განახორციელეს და ვფიქრობ, რომ დიდი რესურსი აქვთ, თუმცა ჩამოსაყალიბებლად დრო სჭირდებათ, რათა ახალ იდეას მოერგონ.“

„ბენზემას გარეშე ეს გუნდი რთული წარმოსადგენია, ფრანგი ყოველთვის მოწოდების სიმაღლეზე იდგა.“

„კურტუას დანაკლისი? დღესდღეობთ ბელგიელ კიპერს მსოფლიოში ერთ-ერთ საუკეთესოდ მივიჩნევ. სამწუხაროა, რომ ტიბომ უმძიმესი დაზიანება მიიღო. მახსოვს შარშანდელი მატჩები, სადაც „რეალის“ კარის დარაჯმა გადამწყვეტი როლი ითამაშა.“

„ბელინგემი ბრწყინვალე ფეხბურთელია, ის არამხოლოდ „რეალს“, არამედ ლა ლიგას შეემატა. ინგლისელის სახით ესპანეთის ჩემპიონატს უნიჭიერესი ფეხბურთელი გაალამაზებს.“