ესპანური "ბარსელონას" მთავარმა მწვრთნელმა, პეპ გვარდიოლამ, ისაუბრა ნაციონალური ჩემპიონატის შესახებ, რომელიც სტარტს ამ კვირაში აიღებს, გვამცნობებს Marca.

"ბლაუგნარას" დამრიგებელმა აღნიშნა, რომ მადრიდის "რეალი" ამ სეზონში სერიოზულ ძალას წარმოადგენს.

"რეალი" ყოველთვის საშიშია, მიუხედავად იმისა თუ ვინ არის ამ გუნდში . მე არ ვეთანხმები იმ აზრს, რომ ჩვენ მადრიდელებს ვჯობივართ. ეს რომ სიმართლე იყოს, მაშინ ჩვენ წინა სეზონში, ჩემპიონატში 20-ქულის სხვაობით გავიმარჯვებდით და ჩემპიონთა ლიგის ფინალშიც გავიდოდით. რაც შეეხება იმას, რომ "სამეფო კლუბს" სათავეში ჟოზე მოურინიო უდგას, ეს ძალიან სასიამოვნოა, რადგან საუკეთესო ჩემპიონატში, საუკეთესო მწვრთნელები და ფეხბურთელები მოღვაწეობენ"-განაცხადა გვარდიოლამ.