ფედერიკო ვალვერდემ სეზონის დაწყების წინ ჟურნალისტებს ინტერვიუ მისცა...

„ვერასდროს წარმოვიდგენდი მადრიდის „რეალში“ თამაშს, თანაც ისეთ ვარსკვლავებთან, როგორებიც გუნდში ახლა ირიცხებიან. ყოველი დღე ბედნიერია, როდესაც სესიაზე მივდივარ, ასეთ მოთამაშეებთან ერთად ვარჯიში უდიდესი გამოცდილებაა. მჯერა დიდი წარმატების და ამისთვის ყველაფერს გავიღებ.“

„თუ შენ შეგიძლია წახვიდე მსოფლიოს საუკეთესო კლუბში, მაშინ რატომ უნდა აირჩიო სხვა? რა თქმა უნდა, მადრიდის „რეალი“ უპირობო ფავორიტია.“

„კაპიტნის სამკლაურის ტარება უდიდესი მოტივაციაა. ეს არის უდიდესი ძალისხმევის, თავდადების და ერთგულების შედეგი. პატივს ვცემ კაპიტნებს და ვამაყობ, რომ შესაძლოა ეს სამკლაური მეც ვატარო.“

„არდა გიულერის ნიჭით ყველა მოხიბლულია, ის ნამდვილი პროფესიონალია და შესანიშნვ დარტყმას ფლობს. ჩემი აზრით, თურქი ბევრს მიაღწევს, თუმცა ამისთვის უდიდესი მუშაობა და შრომა მართებს.“