ანჩელოტი:„თუ ეს მოხდება, ლა ლიგას „რეალი“ მოიგებს“
კარლო ანჩელოტიმ ლა ლიგის პირველი ტურის წინ პრესკონფერენცია გამართა...
„გუშინდელი დღე ჩვენთვის ძალიან მძიმე იყო, სრულიად მოულოდნელად გუნდის უდავო ლიდერი და საიმედო მეკარე დავკარგეთ, თანაც რამდენიმე თვით. გვჯერა, რომ კურტუას სარეაბილიტაციო კურსი წარმატებით ჩაივლის და მოედანზე მალე ვიხილავთ. ყველა გავერთიანდით და ბელგიელს მხარს ვუჭერთს, ახლა მას მძიმე წუთები აქვს, თუმცა სპორტსმენები ტრავმებისთვის ყოველთვის მზად უნდა იყვნენ.“
„ლუნინის მიმართ ნდობა არსებობს, ის „სან მამესზე“ ძირითად შემადგენლობაში ითამაშებს, გვჯერა უკრაინელის პროფესიონალიზმის.“
„ახალი მეკარე? გუნდი ამაზე ფიქრობს, თუმცა ამასთანავე დიდ მხარდაჭერას უცხადებს ანდრეის.“
„ახალ სეზონში ვითამაშებთ, როგორც 4-4-2 სისტემით, ასევე გამოვიყენებთ 4-3-3 და 4-2-3-1 სქემას. ჩვენ დიდი გუნდი ვართ, ასევე დიდი რესურსით. ფეხბურთელების პროფესიონალიზმი და შესაძლებლობები სხვადასხვა დაპირისპირებაში სხვადასხვა ტაქტიკის გამოყენების საშუალებას მოგვცემს.“
„9-იანი? შეტევაში პრობლემა არ გვაქვს და ვფიქრობ, ბევრი გოლის გატანას მოვახერხებ. დაცვაში ხარვეზები გვქონდა, რაზეც ვიმუშავეთ და გვჯერა, რომ ოფიციალურ დაპირისპირებებში უკანა ხაზი მოწოდების სიმაღლეზე იდგება.“
„ბელინგემი თანაგუნდელებს დიდ დახმარებას უწევს, ის შემტევი ნახევარმცველის პოზიციაზე იდეალურია და ბრწყინვალედ თამაშობს ბურთის გარეშე. ინგლისელს უდიდესი მომავალი აქვს, დარწმუნებული ვარ, მომდევნო წლებში ჯუდი „ბლანკოსის“ თვალსაჩინო ვარსკვლავი იქნება.“
„ნომერი 9? ვფიქრობ, ამ სეზონში მას არავინ გამოიყენებს.“
„შეტევაში პრობლემები არ გვაქვს. გოლების გატანა შეუძლიათ ვინისიუსს, როდრიგოს, ხოსელუს, ბრაჰიმს, ბელინგემს, ვალვერდეს და სხვებს.“
„არდა გიულერი? თუ ქირურგიული ჩარევა მოხდება, ის მალე დაბრუნდება. ვნახოთ, როგორ განვითარდება მოვლენები თურქთან დაკავშირებით, ის ნიჭიერი ახალგაზრდაა, რომელსაც დიდი ტექნიკური არსენალი აქვს.“
„ახალ სეზონში სრული რესურსი უნდა ავითვისოთ, ფეხბურთელებს ძალიან დიდი რესურსი აქვს, რომლის სრული გამოყენების შემთხვევაში ლა ლიგის ტიტულს აუცილებლად დავიბრუნებთ.“
- 11 აგვისტო 2023
- 4 952
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
