მადრიდული „ას“-ის ცნობით, სამეფო კლუბის ხელმძღვანელობა ალვარო ოდრიოზოლას წასვლისკენ მოუწოდებს...

განაპირა მცველი კარლო ანჩელოტის გეგმებში არ ჯდება, სწორედ ამიტომ მისი წასვლის მომხრე პირველ რიგში სწორედ იტალიელი სპეციალისტია.

ანჩელოტი მიიჩნევს, რომ დაცვის მარჯვენა ფლანგის „სტარტერი“ დანიელი კარვახალი უნდა იყოს, საჭიროების შემთხვევაში კი მის შეცვლად ლუკას ვასკესი შეძლებს. კრიტიკულ მომენტში კი ამ პოზიციას ნაჩო ფერნანდესი დაიკავებს.

გამოდის, რომ ოდრის მოედანზე გასვლის საშუალება მხოლოდ იმ შემთხვევაში ექნება, თუ ანჩელოტის ხელიდან კარვახალი, ვასკესი და ნაჩო ერთობლივად გამოეცლება.