მადრიდის "რეალის" სამმა ფეხბურთელმა, მარსელომ, ხუანფრანმა და მატეოსმა, შეხვედრის დასრულების შემდეგ ჟურნალისტებთან ისაუბრეს.

მარსელო
"ჩვენი სურვილი და უმთავრესი მიზანი იყო საზაფხულო, ამხანაგური შეხვედრების ციკლის მაღალ ნოტზე დასრულება. "პენაროლი" საკმაოდ კარგად თამაშობდა როგორც დაცვაში, ასევე შეტევაში. საბოლოოდ მათი კარის დალაშქვრა მაინც მოვახერხეთ და გამარჯვება მოვიპოვეთ. ვიმედოვნებ, მთელი წლის განმავლობაში ძალიან ბევრი გამარჯვების აღნიშვნა მოგვიწევს."

"ახალწვეულებს მაქსიმალურად ვეხმარებით ადაპტაციის მალე გავლაში, რადგან ისინი ძალიან ნიჭიერი ფეხბურთელები არიან და მათი დახმარება აუცილებლად დაგვჭირდება."

ხუანფრანი
"ყველაზე მთავარი ის არის, რომ გამარჯვება მოვიპოვეთ და ასეთი გამაჯვებები ლა ლიგის მიმდინარე სეზონში ძალიან ბევრი იქნება. მოურინიო აკადემიის აღზრდილებს შანსს გვაძლევს და მან გვითხრა, რომ ჩვენ აუცილებლად დავჭირდებით."

მატეოსი
"მოურინიომ ძალიან კარგი საჩუქარი გაგვიკეთა აკადემიელებს. კანტერას ფეხბურთელების მთავარი ოცნება მადრიდის "რეალის" პირველ გუნდში თამაშია, რაც მე უკვე ამიხდა და უზომოდ ბედნიერი ვარ."