მადრიდის „რეალმა“ ლა ლიგის პირველი 3 ტურის განრიგი ცნობილი გახადა. აღსანიშნავია, რომ „მერენგები“ სამივე დაპირისპირებას გასვლაზე ითამაშებენ, რათა სანტიაგო ბერნაბეუს რეკონსტრუქციის სწრაფ ტემპს ხელი არ შეეშალოს.

12 აგვისტოს „რეალის“ მეტოქე „ბილბაო“ იქნება, „სან მამესზე“ დაგეგმილი დაპირისპირება თბილისის დროით 23:30 საათზე აიღებს სტარტს.

19 აგვისტოს „ბლანკოსი“ „ალმერიას“ ესტუმრება, ეს პაექრობა 21:30 საათზე არის დაგეგმილი.

25 აგვისტოს კი „ბალაიდოსზე“ ვიზიტია დაგეგმილია, სადაც ანჩელოტის შეგირდები ადგილობრივ „სელტასთან“ გაარკვევენ უძლიერესის ვინაობა. აღნიშნული შეხვედრა 23:30 საათზე შედგება.