დანი სებალიოსმა ტრავმა მიიღო და გუნდს ამერიკულ ტურნეზე ვერ გაყვა, თუმცა მაქსიმალურად ცდილობს, აღდგენითი პროცესი დროულად გაიაროს...

თითქმის 3 კვირაა სებალიოსი მაქსიმუმს აკეთებს იმისთვის, რომ აღდგენითი პროცესი დაგეგმილზე სწრაფად წარიმართოს.

დანი აცნობიერებს, რამხელა კონკურენციაა ანჩელოტის გუნდი ნახევარდაცვაში, თუმცა ისიც ფაქტია, რომ 4-4-2 სქემის ფარგლებში მისი შანსი მნიშვნელოვნად გაიზრდება.

სება ზედმიწევნით ასრულებს სამედიცინო შტაბის დავალებებს და აუზზე დღეში 5 საათზე მეტს ატარებს.

დანის სურს, რომ მოედანზე სექტემბრის ბოლოს, ან ოქტომბერში დაბრუნდეს.