„ას“-ის ინფორმაციით, მადრიდის „რეალი“ კილიან მბაპეს მხრიდან პოზიციის ღიად დაფიქსირებას ელოდებიან...

ჯერ-ჯერობით არაოფიციალური და დაუდასტურებელი ინფორმაციით, ფრანგი ფეხბურთელი 31 ივლისის შემდეგ განცხადებას გააკეთებს და ღიად იტყვის, რომ „პსჟ“-ში დარჩენის საშუალება არ მისცეს და ახალ გამოწვევას მიიღებს.

როგორც კი მბაპე ოფიციალურად დააფიქსირებს, რომ კლუბის შეცვლას აპირებს, მადრიდის „რეალი“ პარიზულ გრანდს ოფიციალური წინადადებით მიმართავს.

ფლორენტინო პერესი აბსოლუტურ სიმშვიდეს ინარჩუნებს და სურს, რომ ტრანსფერი ბოლომდე მშვიდად მიიყვანოს.