„მარკას“ ინფორმაციით, „პსჟ“-მ კილიან მბაპეს ფასი შეცვალა და 250 მილიონი ევრო დაასახელა. ესპანური გამოცემა გვამცნობს, რომ საგა გრძელდება...

ასევე „მარკას“ ინფორმაციით, მოთამაშის დედა ფაიზა ლამარი გუშინ საღამოს ფლორენტინო პერესს ესაუბრა და უთხრა, რომ ყველაფერს გააკეთებს შვილის ფასის შესამცირებლად.

არსებული ცნობით, პარიზულმა გრანდმა ფასი მას შემდეგ გაზარდა, რაც არაბული კლუბებიდან კოლოსალური შემოთავაზებები წამოვიდა, ამასთა ერთად, რამდენიმე დღეში გუნდს სრულიად არაფერში, ერთგულების ბონუსის სახით კილიანისთვის 40 მილიონის გადახდა მოუწევს.

პარარელურად, ცნობილია, რომ მადრიდის „რეალი“ ფრანგის სანაცვლოდ 150 მილიონის გადახდას განიხილავდა და 100 მილიონით მეტის გადახდას ნამდვილად არ აპირებს.