თითქმის 3 კვირა გავიდა მას შემდეგ, რაც მადრიდის „რეალმა“ პრე-სეზონი დაიწყო, თუმცა ფეხბურთელთა გარკვეული ნაწილი კოლექტივს 10 დღის წინ შეუერთდა...

ფიზიკური მომზადების მწვრთნელი, ანტონიო პინტუსი მიღწეული შედეგებით კმაყოფილია და მიიჩნევს, რომ გუნდი მეორე ფაზაში უნდა გადავიდეს.

იტალიელი სპეციალისტის გეგმის პირველი ფაზა წარმატებით არის დასრულებული.

ფეხბურთელებმა ფაქტობრივად მიაღწიეს იმ ნიშნულს, როდესაც 90 წუთიანი დატვირთვის მიღება და ტემპში თამაში შეუძლიათ, რაც ძალიან მნიშვნელოვანი კომპონენტია.

სეზონის დაწყებამდე ჯერ კიდევ არის დრო დარჩენილი, რომელსაც ანტონიო მაქსიმალურად გამოიყენებს.

შეგახსენებთ, ლა ლიგის პირველი ტურის მატჩს მადრიდელები „ბილბაოს“ წინააღმდეგ, 12 აგვისტოს გამართავენ.