მთელი დღის განმავლობაში ვრცელდებოდა ინფორმაციები იმის შესახებ, რომ კატალონიის „ბარსელონა“ მბაპე მსურველთა სიაში ჩაეწერა, თუმცა კლუბი ამ ამბავს უარყოფს...

კატალონიელთა თქმით, მბაპეს ტრანსფერის ფინანსური რესურსი „ბარსელონას“ არ აქვს და ტექნიკურადაც კი ვერ შეძლებს ტრანსფერის გაფორმებას.

ჟოან ლაპორტას გუნდი დიდ ბრძოლაში არ ერთვება და მიიჩნევს, რომ ახლა არა მბაპეს, არამედ სხვა მოთამაშეების დროა და „ბლაუგრანა“ სხვა მიმართულებით მუშაობს.

თავის მხრივ, მადრიდის „რეალი“ მუშაობას განაგრძობს და მზად არის, კილიანის სანაცვლოდ 150 მილიონი ევრო გაიღოს.

მადრიდული გამოცემების ცნობით, უახლოეს დღეებში სამეფო კლუბსა და პარიზელებს შორის პირველი ოფიციალური აუდიენცია შედგება.