ესპანურმა გამოცემებმა დღევანდელი დღე კილიან მბაპეს ირგვლივ განვითარებული მოვლენებით დაიწყეს...

„ისე ახლოს „რეალთან“, როგორც არასდროს! დიახ, მბაპე „პსჟ“-დან მიდის, სამეფო კლუბს კი ბრწყინვალე შანსი აქვს იმისა, რომ ფრანგი წინახაზელი დაიმატოს და მრავალწიან საგას საბოლოო წერტილი დაუსვას.

არსებული ინფორმაციით, ფლორენტინო პერესი ოფიციალური მოლაპარაკებების დასაწყებად ემზადება.

დიდი ალბათობით დღესვე, „რეალი“ „პსჟ“-ს ოფიციალურად მიმართავს და მზადყოფნას გამოთქვამს, რომ ფეხბურთელის სანაცვლოდ 150 მილიონი ევრო გადაიხადოს.

იმ შემთხვევაში, თუ მბაპე მადრიდისტა გახდება, 6 წლიან კონტრაქტს მოაწერს ხელს და სამეფო კლუბის ყველაზე ძვირადღირებული მოთამაშის სტატუსს მოიპოვებს.