შუსტერი:„არ მჯერა, რომ პერესი მხოლოდ ხოსელუს დასჯერდება“
მადრიდის „რეალის“ ყოფილმა მწვრთნელმა, ბერნდ შუსტერმა ფლორენტინო პერესზე ისაუბრა...
„მე ვიცნობ ფლორენტინო პერესის პოლიტიკას, რომელიც ბოლო წლებში მნიშვნელოვნად შეიცვალა. „რეალი“ თავიდან ბოლომდე ახალგაზრდებზეა ორიენტირებული და ამაში ცუდი არაფერია, თუმცა მერწმუნეთ, „ბლანკოსის“ პრეზიდენტი მხოლოდ ხოსელუს ტრანსფერს არ დასჯერდება და წინა ხაზს გააძლიერებს.“
„დარწმუნებული ვარ, სატრანსფერო ფანჯრის დახურვამდე კილიან მბაპე მადრიდელი გახდება და ეს „ბლანკოსშიც“ კარგად იციან.“
„რონალდუ და ბენზემა სეზონში 30-40 გოლს იტანდნენ, ხოსელუს კი ეს ნამდვილად არ შეუძლია, სწორედ ამიტომ, „მერენგები“ გათვლას წინა ხაზის კიდევ უფრო გაძლიერებაზე გააკეთებენ.“
„„რეალს“ ყველა ვარიანტში სჭირდება თავდამსხმელი, რომელიც სეზონში 30-ზე მეტ გოლს გაიტანს, მბაპეს კი ეს ბრწყინვალედ გამოუვა.“
„კილიანი ნამდვილად არის იმ დონის ფეხბურთელი, რომელიც „მერენგებში“ არსებულ სტანდარტებს უპასუხებს. ეს სულ სხვა დონის შემტევია.“
„მბაპე ოქროს წლებს ფუჭად კარგავს, „პსჟ“ კი წლიდან წლამდე უფროდაუფრო უკმაყოფილოა. სწორედ ეს არის ინდიკატორი იმისა, რომ რაღაც უნდა შეიცვალოს. დროა შეთანხმება შედგეს და ფრანგი მოთამაშე სანტიაგო ბერნაბეუზე გადაბარგდეს.“
- 21 ივლისი 2023
- 1 732
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
