ესპანური გამოცემების ცნობით, ფლორენტინო პერესის დავალებით, მადრიდის „რეალმა“ სამუელ ჩუკვუეზეს მდგომარეობა ისევ მოიკითხა, მაგრამ „ვილიარეალი“ დიდ თანხას ითხოვს...

სამეფო კლუბი ჩუკვუეზეს დამატებას 25-30 მილიონი ევროს ფარგლებში ვარაუდობდა, მაგრამ „ყვითელი წყალქვეშა ნავის“ ხელმძღვანელობის აზრით ჩუკვუეზე 50 მილიონი ევრო ღირს.

„ას“-ის ინფორმაციით, მადრიდული გრანდი მოთამაშის სანაცვლოდ ამხელა თანხის გადახდას არ განიხილავს.

მიუხედავად იმისა, რომ ჩუკვუეზე საკმაოდ ახალგაზრდაა და „ბლანკოსის“ გეგმაში ჯდება, პერესი მასში 50 მილიონს არ ჩამოვა.

უნდა აღინიშნოს, რომ პარარელურად, ჩუკვუეზეს მიმართ ინტერესს „მილანიც“ იჩენს, თუმცა ამხელა თანხის გადახდას არც „როსონერის“ ხელმძღვანელობა აპირებს.