მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა, სადაც სატრანსფერო შეთანხმება დაადასტურა...

ორმხრივი შეთანხმების შედეგად, კარლოს დოტორი ვიგოს „სელტას“ ღირსებას დაიცავს. ახალგაზრდა მოთამაშე „რეალის“ ასაკობრივ გუნდში 2014 წელს მოვიდა, მას შემდეგ კი არაერთ კოლექტივთან ერთად მიაღწია წარმატებას.

ბოლო 3 სეზონის განმავლობაში დოტორი „კასტილიას“ ღირსებას იცავდა და 2021 წელს მთავარ გუნდშიც ჰქონდა თამაშის საშუალება.

„რეალი“ დიდ მადლობას უხდის ახალგაზრდას გაწეული სამუშაოსთვის და წარმატებებს უსურვებს ცხოვრების ახალ ეტაპზე.