ესპანური გამოცემების ცნობით, ორელიან ჩუამენიზე დიდი მოთხოვნაა. ჯერ კიდევ გუშინ ვრცელდებოდა ინფორმაცია, რომლის მიხედვითაც, ჩუამენის დამატება „ლივერპულს“ სურს, მაგრამ „ბლანკოსმა“ უარი თქვა, ახლა კი ასპარეზზე გერმანიიდანაც გამოვიდნენ...

მიუნხენის „ბაიერნის“ მთავარი მწვრთნელი, ტომას ტუხელი ფრანგ ნახევარმცველში „რეკორდმაისტერის“ ბალანსს ხედავს და მიიჩნევს, რომ ეს შეთანხმება აუცილებლად უნდა შედგეს.

თავის მხრივ, კარლო ანჩელოტი პოზიციას არ ცვლის და მიიჩნევს, რომ ჩამშლელი გუნდში საჭიროა, სწორედ ამიტომ ორელიანი ძირითად შემადგენლობას უნდა მიეჩვიოს.

გარდა ამისა, ვრცელდება ინფორმაცია, რომლის მიხედვითაც, მხარეებმა შესაძლოა ბარტერზე იმსჯელონ და ორელიანი ალფონსო დეივისში გაიცვალოს, თუმცა ამ საკითხზე დამატებითი და დამადასტურებელი ინფორმაციები ჯერ-ჯერობით არ გავრცელებულა.