ისკო ალარკონმა სამომავლო გეგმებსა და მადრიდის „რეალში“ გატარებულ წლებზე ისაუბრა...

„ჩემი კარიერის გადამწყვეტი წლები მადრიდის „რეალში“ გავატარე, ეს კლუბი ჩემთვის ყველაფერია და მივიჩნევ, რომ მადრიდისტა ვარ.“

„მიუხედავად იმისა, რომ მადრიდიდან წასვლის შემდეგ ჩემი კარიერა ისე ვერ განვითარდა, როგორც საჭირო იყო, გადაწყვეტილებას არ ვნანობ და მივიჩნევ, რომ წამოსვლის დრო იყო.“

„ხულიენ ლოპეტეგი ჩემთვის ერთ-ერთი საუკეთესო მწვრთნელია, „სევილიაში“ გადასვლის გადაწყვეტილება სწორედ მის გამო მივიღე, მაგრამ როგორც უკვე გითხარით, ანდალუსიაში მოწოდების სიმაღლეზე ვერ ვიდექი.“

„ჩემი და ასევე ჩემგან დამოუკიდებელი მიზეზების გამო ბევრი რამ შეიცვალა. ახლა დიდ ფეხბურთში დასაბრუნებლად მზად ვარ და მჯერა, რომ რამდენიმე წლის განმავლობაში შევძლებ მაღალ დონეზე ასპარეზობას.“