ესპანური გამოცემების ცნობით, გუშინ „პსჟ“-ს ხელმძღვანელობამ კილიან მბაპეს წარმომადგენლებთან მორიგი კომუნიკაცია დაამყარა...

ეს ყველაფერი იქედან არის გამოწვეული, რომ შაბათს მბაპემ პარიზულ გრანდს აცნობა, რომ 1 წლით დარჩენას განიხილავს, თუმცა პარიზულ გრანდს სხვა გეგმები აქვს.

ახლა ფრანგების პოზიცია ულტიმატუმის სახეს იღებს. „უნდა გაიგო, რომ ან ახანგრძლივებ, ან გვემშვიდობები“-სწორედ ეს მიმართვა გაუგზავნა პარიზულმა გრანდმა გუნდის ლიდერს.

ასევე ცნობილია, რომ ლუის ენრიკე საშინლად უკმაყოფილოა განვითარებული მოვლენებით და მიიჩნევს, რომ მბაპეს საქციელი გუნდზე ცუდად აისახება.