მოგეხსენებათ, პაუ ტორესმა „ვილიარეალის“ რიგები დატოვა და სათამაშოდ პრემიერლიგაში გადავიდა. ახლა „ყვითელი წყალქვეშა ნავი“ უკანახაზელის შემცვლელს ეძებს...

არსებული ინფორმაციით, „ვილიარეალმა“ მადრიდის „რეალს“ რაფა მარინის ტრანსფერზე მიმართა. გუნდს უკანახაზელის დამატება 5 წლიანი კონტრაქტით სურს, თუმცა 2 წლიან საიჯარო ხელშეკრულებასაც განიხილავს.

იმ ფონზე, რომ მარინს „კასტილიაში“ თამაში აღარ სურს, შეთანხმება სავსებით რეალურია, თუმცა არსებობს დამაბრკოლებელი გარემოებაც.

ხესუს ვალიეხო იჯარით „გრანადაში“ გადადის, რაც „რეალის“ დაცვაში ერთ ადგილს ათავისუფლებს. სწორედ ამიტომ მარინმა შესაძლოა მთავარ გუნდში ასპარეზობის შანსი მიიღოს.