კარლო ანჩელოტი გუშინ ჟურნალისტებს შეხვდა და პრესკონფერენცია გამართა...

„პრე-სეზონი ძალიან მნიშვნელოვანი ეტაპია, სადაც ფეხბურთელები მაქსიმალურაც ცდილობენ საკუთარი კონდიციების შენარჩუნებას. ერთთვიანი პაუზის შემდეგ მოთამაშეებს ნამდვილად სჭირდებოდათ მეტი ტემპი და დატვირთვა.“

„სამწუხაროა, რომ სებალიოსმა ტრავმა მიიღო. ესპანელის აღდგენითი პროცესი უკვე დაწყებულია. მაქსიმუმს ვიზამთ იმისთვის, რომ დანი დაგეგმილზე ადრე დაბრუნდეს და გუნდის დახმარება შეძლოს, ის მნიშვნელოვანი ფეხბურთელია.“

„როგორც მოგეხსენებათ, ჯუდ ბელინგემს მუხლზე პრობლემა ჰქონდა, მაგრამ ახლა ყველაფერი კარგად არის. ამერიკის შეერთებულ შტატებში ინგლისელი ფეხბურთელი აუცილებლად ითამაშებს.“

„კამავინგა ნახევარმცველია და მას მარცხენა მცველად აღარ გამოვიყენებთ. გასაგებია, რომ ფრანგს აღნიშნულ ადგილზე ასპარეზობა შეუძლია, თუმცა შუა ხაზში გაცილებით ეფექტურია.“

„„ელ კლასიკო“ საინტერესო იქნება. დიახ, ეს პრე-სეზონია, მაგრამ „რეალს“ უყვარს „ბარსელონასთან“ გამარჯვება.“

„როდესაც ვინისიუსი შემოგვიერთდება, აუცილებლად ვეტყვი, რომ ვაფასებ მის შრომისმოყვარეობას. მთელი ზაფხულის მანძილზე, ვინი ფიზიკურ დატვირთვებს იღებს და საკუთარ ფიზიკაზე ზრუნავს.“

„ბელინგემი განსხვავებული ფეხბურთელია, რაც „რეალს“ უფრო განსხვავებულს გახდის.“

„დიახ, ახალ ტაქტიკაზე ვმუშაობთ და გვსურს, რომ გულშემატკივრებს უფრო მრავალფეროვანი ფეხბურთი შევთავაზოთ.“

„შესაძლებელია ახალი ფორმაციის გამოყენება. მაქსიმუმს ვაკეთებთ იმისათვის, რომ ახალ სეზონში კონკურენტუნარიანები ვიყოთ და ბევრად მაღალი ხარისხის ფეხბურთი ვაჩვენოთ.“