ფრან გარსიამ მადრიდის „რეალის“ ოფიციალურ ვებ-გვერდს ინტერვიუ მისცა...

„პრე-სეზონის ნაყოფიერად ჩატარება ძალიან მნიშვნელოვანია. კარგად უნდა მოვემზადოთ და ამხანაგურ დაპირისპირებებში არაერთი სქემა მოვსინჯოთ. ჩვენ დიდი და საკმაოდ დახუნძლული სეზონი გველის, სწორედ ამიტომ კარგი მომზადება წარმატების საწინდარი იქნება.“

„ბედნიერი ვარ, რომ აქ თამაშის საშუალება მომეცა და გზას არ განვაგრძობ. მადრიდის „რეალი“ ჩემთვის ყველაფერია.“

„ანჩელოტი გენიალური მწვრთნელია, გამაოცა მისმა მიდგომამ და სიახლოვემ ახალწვეულ ფეხბურთელებთან. იტალიელი მაქსიმალურად ცდილობს, რომ გუნდში ერთსულოვნება ჰქონდეს და ახალწვეულებმა ადაპტაცია დროულად გაიარონ. კარლო ბევრს საუბრობს, ხაზს უსვამს ხარვეზებს, მსჯელობს სიახლეების დანერგვასა და არსებული კომპონენტების გაუმჯობესებაზე.“

„პინტუსი განსაკუთრებული სპეციალისტია. ეს დღეები ბუნებრივია დატვირთული იქნება, ფეხბურთელები მოეშვნენ, ახლა კი ტონუსში ჩადგომის დროა, სწორად ამიტომ ინტენსიურად ვემზადებით და ფიზიკურ კონდიციებს გაუმჯობესებთ.“

„ვტკბები აქ ყოფნით და მიხარია ისე, როგორც ბავშვს. მე ვზრუნავ ჩემს სხეულსა და ფიზიკურ მონაცემებზე.“

„ბუნებრივია, ვამაყობ, რომ აქ დავბრუნდი. მიზანის სწორედ ეს გახლდათ.“

„ბელინგემის, არდა გიულერის და ბრაჰიმ დიასის ადაპტაცია ბრწყინვალედ მიმდინარეობს. ახალწვეულები თავს ბედნიერად გრძნობენ. ყველაზე მთავარი ის არის, რომ გუნდში ერთსულოვნებაა.“

„ვეცდები ვაჩვენო, რა შემიძლია და რას გავაკეთებ „რეალისთვის“. დიდი მადლობა „რაიო ვალეკანოს“, ამ კლუბში ბევრი რამ ვისწავლე.“