ფრანგული გამოცემების ცნობით, „პსჟ“ კილიან მბაპეს ულტიმატუმის ვადას უმცირებს და მასზე უდიდეს ზეწოლას ახორციელებს...

თუ ფრანგს მოსაფიქრებელი დრო 20 ივლისამდე ჰქონდა, ახლა ეს ვადა მიმდინარე კვირის ბოლომდე განისაზღვრა.

ასევე ვრცელდება ინფორმაცია, რომლის მიხედვითაც, თუ მხარეები ვერ შეთანხმდებიან და მბაპე მომდევნო წლის ხელფასს მაინც მოითხოვს, პარიზული მხარე სასამართლო დავას დაიწყებს, რომელიც დროში იქნება გაწერილი, ეს კი კილიანის ინტერესებში არცერთ შემთხვევაშ არ შედის.

ნასერ ალ ჰელაიფი და ყატარელი ემირი, რომელმაც საბოლოო სიტყვა უნდა თქვას, უკვე ღიად აცხადებენ და არ მალავენ, რომ ფეხბურთელთან ურთიერთობა კატასტროფულია.

ყოველივე ზემოაღნიშნული მიუთითებს იმაზე, რომ უახლოეს დღეებში მბაპესთან დაკავშირებით დიდი სკანდალი დამწიფდება და მისი „რეალში“ გადასვლა გარდაუვალი გახდება.