„რეალის“ ფიზ.მომზადების მწვრთნელი, ანტონიო პინტუსი სამუშაოს უკვე შეუდგა...

სპეციალისტს გეგმა შედგენილი აქვს, რომლითაც „მერენგები“ ზაფხულში იხელმძღვანელებენ და ეცდებიან, რომ სეზონის სტარტს მოწოდების სიმაღლეზე შეხვდნენ.

ანტონიო ფეხბურთელების სამედიცინო შემოწმების შედეგებს დეტალურად გაეცნობა და საკუთარი პროგრამის განხორციელებას დაიწყებს.

ფეხბურთელები, რომლებიც ვარჯიშს დღეს დაიწყებენ, ეტაპობრივი პროგრესის პირობებში მიაღწევენ სასურველ შედეგს, ხოლო ის მოთამაშეები, რომლებიც ანჩელოტის განკარგულებაში 20 ივლისიდან იქნებიან, გაცილებით მეტი დატვირთვისა და სწრაფ რეჟიმში მუშაობის პირობებში მოუწევთ ყოფნა.