რაფაელ ბენიტესი დიდი ხანი არ არის რაც ინტერს ჩაუდგა სათავეში, მაგრამ იგი ძალიან აქტიურობს სატრანსფერო ბაზარზე. ესპანელ სპეციალისტს ძალიან სურს საყრდენი ნახევამრცველის შეძენა, რომელიც ესტებან კამბიასოსთან ერთად კარგ ტანდემს შექმნის...

La Gazzetta Dello SporT-ის მტკიცებით, რაფაელი დაინტერესებულია მალელი დიარას შეძენით და მზად არის მასში დაახლოებით 10 მილიონი ევრო გადაიხადოს. გთავაზობთ ბენიტესის პატარა კომენტარს.

"მაჰამადუ? რატომაც არა?! იგი მსოფლიო კლასის საყრდენია და ინტერში თავისუფლად ითამაშებდა, მე მის პროფესიონალიზმში ეჭვი არ მეპარება და ვთვლი, რომ მისი იტალიაში გადმოსვლა მისთვისვე იქნება კარგი."

თავად დიარას არ სურს "ბლანკოსის" დატოვება, მაგრამ იმას კარგად აცნობიერებს, რომ მომავალ სეზონში კვლავ სათადარიგოთა სკამზე ჯდომა მოუწევს. ამიტომ იგი საგონებელშია ჩავარდნილი.