არდა გიულერმა „რეალის“ ფეხბურთელის რანგში პირველი პრესკონფერენცია გამართა...

„მსოფლიოს უდიდეს კლუბში მოვხვდი და ბედნიერი ვარ. დღევანდელი დღე სამუდამოდ ჩაიწერება ჩემს მეხსიერებაში.“

„ჩემი საყვარელი პოზიცია შემტევი ნახევარმცველობაა. მიყვარს საგოლე გადაცემების გაკეთება და ზოგადად მომენტების შექმნა, ასევე შემიძლია მარჯვენა შემტევად ასპარეზობა. ის, თუ სად ვითამაშებ, მწვრთნელმა უნდა გადაწყვიტოს, მე ვეცდები, ნაყოფიერი ფეხბურთელი გავხდე.“

„იჯარით წასვლას არ ვაპირებ, გამოწვევა მივიღე და „რეალში“ უნდა ვიასპარეზო.“

„დიახ, რამდენიმე კლუბს სურდა ჩემი დამატება, მაგრამ მადრიდული გრანდი ავირჩიე და ვთვლი, რომ სწორად მოვიქეცი.“

„გამოწვევა დიდია, თუმცა მზად ვარ, ბევრი ვიშრომო და ამ კლუბში საკუთარი ადგილი დავიკავო.“

„ჩემი კუმირები რონალდუ, გუტი და ზინედინ ზიდანი იყვნენ. ვოცნებობ, რომ „ბლანკოსის“ ისტორიაში მათსავით ჩავეწერო და კლუბის ლეგენდა გავხდე.“

„მესუთ იოზილმა არაერთი რჩევა მომცა. მან მითხრა, რომ „რეალი“ მსოფლიოში ყველაზე დიდი კლუბია და აქ თამაშზე ყველა ოცნებობს, მადლობა მესუთს.“

„მე ავირჩიე „რეალი“ და არა „ბარსელონა“ და სხვები, რადგან ვიცი, რომ აქ ყველაზე დიდ წარმატებას მივაღწევ.“

„ჩემთვის ბევრი ფეხბურთელია პატივსაცემი, თუმცა ლუკა მოდრიჩს საკუთარ პოზიციაზე მსოფლიოში საუკეთესოდ მივიჩნევ. მსურს, რომ ხორვატისგან ბევრი ვისწავლო.“

„კარლო ანჩელოტისთან რამდენჯერმე ვისაუბრე. იტალიელმა ამიხსნა, სად აპირებდა ჩემს გამოყენებას და როგორ ჩავჯდებოდი მის გეგმებში.“

„როდესაც სამეფო კლუბის შემოთავაზება რეალური გახდა, სხვა წინადადებებმა ძალა დაკარგა, მე ავირჩიე მადრიდული გრანდი.“

„„რეალი“ მსოფლიოს საუკეთესო კლუბია, ამაზე მაღალი მწვერვალი არ არსებობს.“

„ფენერბაჰჩეს“ ყველაფრისთვის მადლობას ვუხდი და საუკეთესოს ვუსურვებ. დარწმუნებული ვარ, „ფენერის“ გულშემატკივრები ჩემს გადაწყვეტილებას სწორად გაიგებენ, მე მათი მადლიერი დავრჩები“