ესპანური გამოცემების ცნობით, რობერტო კარლოსი მესუთ იოზილთან ერთად არდა გიულერის ოჯახს შეხვდება...

ბრაზილიელი ლეგენდა „ფენერბაჰჩეს“ ხელმძღვანელობას უკვე ესაუბრა, ახლა კი ფეხბურთელისთვის აპირებს იმ პროექტის წარდგენას, რომლის განხორციელებაც ფლორენტინო პერესს სურს.

მესუთ იოზილი „რეალის“ შუამავლის როლს ასრულებს. ექს მადრიდისტა არდას ურჩევს, რომ სამეფო კლუბში თამაშის შანსი არ დაკარგოს.

რობერტო კარლოსი თურქეთს სპეციალური დავალებით ესტუმრება და მაქსიმალურად ეცდება, რომ ტრანსფერი დახუროს.

იმ შემთხვევაში, თუ ტრანსფერი დაიხურება და ყველაფერი ისე წავა, როგორც მადრიდულ გრანდს სურს, გიულერი 1 წლით „ფენერბაჰჩეში“ დარჩება, „ბლანკოსში“ ვარჯიშს კი 2024 წლის ზაფხულიდან დაიწყებს.