არსებული ინფორმაციით, დუშან ვლაჰოვიჩის მიმართ ინტერესი მადრიდის „რეალს“ არ დაუკარგავს...

ვრცელდება ინფორმაცია, რომლის მიხედვითაც, „ბლანკოსი“ რამდენიმე ვარიანტს განიხილავს. თუ მბაპეს ტრანსფერი არ შედგება, „რეალი“ მხოლოდ ხოსელუს იმედზე დარჩენას არ აპირებს და ვლაჰოვიჩს 1 წლიანი იჯარით აიყვანს, სადაც გამოსყიდვის უფლებასაც დაიტოვებს.

Madrid Universal-ის ცნობით, „ბლანკოსი“ იჯარაში 15 მილიონ ევროს გადაიხდის, გამოსყიდვის შემთხვევაში კი „იუვეს“ მომდევნო ზაფხულს 75 მილიონს დაუმატებს.

„ბებერი ქალბატონისთვის“ 90 მილიონი სავსებით მისაღებია, თანაც იმ ფონზე, რომ ვლაჰოვიჩს სერია „ა“-ში დარჩენა არ სურს. სერბ ფორვარდსა და ტურინულ გრანდს შორის ურთიერთობა მას შემდეგ გაფუჭდა, რაც „იუვენტუსს“ ქულები დააკლეს.