ფრანგული გამოცემების ცნობით, მადრიდის „რეალი“ მზად არის, კილიან მბაპეს სანაცვლოდ კოლოსალური თანხა გადაიხადოს...

საუბარია 180 მილიონ ევროზე, რომელსაც მადრიდული მხარე „პსჟ“-ს გადაუხდის, მაგრამ აქ არსებობს დათქმები, რომლითაც კილიანის სახელფასო მოთხოვნები უნდა დაკმაყოფილდეს.

შესაძლოა „ბლანკოსისგან“ მიღებული 180 მილიონიდან პარიზულმა კლუბმა მბაპეს 60 მილიონი გადაუხადოს, ვინაიდან ფეხბურთელი სხვა შემთხვევაში წასვლაზე უარს აცხადებს და კონტრაქტის ვადის შესრულება სურს, სადაც „პსჟ“-ს მოთამაშისთვის 150 მილიონზე მეტის გადახდა და შემდეგ თავისუფალი აგენტის სტატუსით გაშვება მოუწევს.

ახლა პარიზული მხარე ჩიხშია შესული და იძულებული ხდება ფეხბურთელის მოთხოვნები დააკმაყოფილოს.

იმისთვის, რომ პერესმა ტრანსფერი სრულყოს, 180 მილიონი ევრო უკვე გამოყოფილია, ფრანგული და ესპანური გამოცემები კი იუწყებიან, რომ წინ გადამწყვეტი 2 კვირაა, სადაც ყველაფერი შეიძლება მოხდეს.