ფლორენტინო პერესმა ხოსელუს წარდგენაზე შეკრებილ პუბლიკას სიტყვით მიმართა...

„მოგესალმებით ყველას. პირველ რიგში მსურს, ესპანელებს მივულოცო ერთა ლიგის მოგება.“

„ხოსელუს სახით მადრიდის „რეალს“ კიდევ ერთი ფეხბურთელი უერთდება. მიხარია, რომ კლუბში ბრუნდები, სადაც უკვე თამაშობდი და კარგად იცნობ ფასეულობებს.“

„არასდროს გვავიწყდება, როგორ დაეხმარა ხოსელუ „კასტილიას“ დიდი წარმატების მიღწევაში. ის საუკეთესო ბომბარდირი იყო.“

„ჩვენ ძალიან კარგად ვიცით, რას ნიშნავს ხოსელუსთვის „ბლანკოსში“ ყოფნა. მას უთამაშია გერმანიაში, ინგლისსა და ესპანეთში, საერთო ჯამში კი 150 გოლზე მეტი აქვს გატანილი.“

„დარწმუნებული ვარ, ჩვენს გუნდს არაერთი გატანილი გოლით დაეხმარები. კეთილი იყოს შენი დაბრუნება სახლში.“