ბრაჰიმ დიასმა „რეალის“ ფეხბურთელის რანგში პირველი პრესკონფერენცია გამართა...

„მოხარული ვარ, რომ დღევანდელი დღე დადგა და მსოფლიოს საუკეთესო კლუბში დავბრუნდი. ბუნებრივია, ამაღლებული განწყობა მაქვს და მჯერა წარმატების.“

„„მილანში“ უდიდესი გამოცდილება მივიღე და ვთვლი, რომ ახლა ბევრად ძლიერი ვარ, ვიდრე 3 წლის წინ. იტალიის ჩემპიონატმა ბევრი რამ მომცა, რასაც ახლა სამეფო კლუბს მოვახმარ.“

„ბენზემას და ასენსიოს წასვლით ამ გუნდმა დიდი რესურსი დაკარგა, მაგრამ მთელი ზაფხული წინ არის. დარწმუნებული ვარ, კოლექტივი შესაბამისად გაძლიერდება და სეზონის სტარტზე მოწოდების სიმაღლეზე ვიდგებით.“

„მბაპეს „რეალში“ ტრანსფერი? დღეს ჩემი დღეა და არა კილიანის. სხვას ვერაფერს გეტყვით.“

„ანჩელოტისთან საუბარი ჯერ არ მქონია, თუმცა მასთან შეხვედრას მოუთმენლად ველი.“

„საუკეთესო პოზიცია ის იქნება, სადაც მწვრთნელი დამაყენებს. მე შემიძლია, როგორც ფლანგებზე, ასევე თავდამსხმელის უკან თამაში.“

„„მილანს“ ყველაფრისთვის მადლობას ვუხდი, ამ კლუბმა ბევრი რამ მომცა, თუმცა ოცნებად მაინც „ბლანკოსში“ დაბრუნება მქონდა ქცეული, სწორედ ამიტომ ვფიქრობ, რომ კონკურენციას არ უნდა შევუშინდე და ბოლომდე დავიხარჯო.“

„პრემიერლიგაში, ლა ლიგასა და სერია „ა“_ში თამაშის გამოცდილება მაქვს, რაც მრავალფეროვან ფეხბურთელად მაქცევს. მე ვფიქრობ, რომ ინგლისი მეტ ფიზიკას მოითხოვს, ლა ლიგა ტექნიკას, ხოლო სერია „ა“ ტაქტიკას. ამით ყველაფერი ნათქვამია.“

„რამდენიმე თანაგუნდელს უკვე ვესაუბრე, ყველას სურს ჩემი ხილვა. დარწმუნებული ვარ, ადაპტაციას მალე გავივლი.“

„ესპანეთის ნაკრები? მადრიდის „რეალში“ ნაყოფიერი თამაში „ფურია როხასკენ“ გზას გამიხსნის, ეს ბუნებრივიცაა.“

„ასენსიოს წასვლა ჩემს აქ ჩამოსვლას არ უკავშირდება, მე მაქვს ჩემი ფუნქცია. მარკო ნამდვილად არ შემიცვლია, თუმცა საჭიროების შემთხვევაში ნებისმიერი მოთამაშის შეცვლაზე ვიფიქრებ.“

„დიახ, დღევანდელი დღე ნამდვილად არის ჩემ ცხოვრებაში ერთ-ერთი საუკეთესო. ძალიან ბედნიერი და ოპტიმიზმით სავსე ვარ.“