ფრან გარსიამ „რეალის“ ფეხბურთელის რანგში პირველი პრესკონფერენცია გამართა და საინტერესო საკითხებზე ისაუბრა...

„დაბრუნებით ვამაყობ. გულწრფელი ადამიანი ვარ და ვთვლი, რომ ჩემი აქ ყოფდნა შრომამ განაპირობა.დიდი გზა გავიარე და დღევანდელი დღე არის ერთგვარი ჯილდო, ვინაიდან არაერთი რთული მომენტი იყო. ახლა თქვენთან ერთად ყოფნა დიდი ბედნიერების მომტანია.“

„„„რაიო ვალეკანოში“ ასპარეზობის დროს ძალიან გავიზარდე, ეს გუნდი წინსვლაში დამეხმარა, რაც ძალიან მნიშვნელოვანი იყო.“

„„რაიოს“ ყოველთვის დიდ მადლობას გადავუხდი, ვინაიდან ამ გუნდში გაკაფული გზით მოვხვდი მსოფლიოს საუკეთესო კლუბში.“

„ანჩელოტის ბოლოს მაშინ ვესაუბრე, როდესაც ლა ლიგაში ერთმანეთს შევხვდით. იტალიელმა მითხრა, რომ ჩვენ მალე ერთად ვიმუშავებდით.“


„ზამთრის სატრანსფერო ფანჯრის დროს მსურველი კლუბები მართლაც მყავდა, მაგრამ ვიცოდი, რომ „რეალში“ დაბრუნების პერსპექტივა არსებობდა, სწორედ ამიტომ ლა ლიგაში დავრჩი და წინსვლა განვაგრძე. ვფიქრობ, სწორი გადაწყვეტილება მივიღე და „რაიო ვალეკანოში“ კიდევ უფრო გავიზარდე.“

„კარვახალისგან ძალიან ბევრი რამის სწავლა შეიძლება, მან აქ ეპოქა შექმნა და სწორედ ჩემნაირი გზა გაიარა. ვიმედოვნებ, წლების შემდეგ მეც ისეთივე ტიტულოვანი მოთამაშე გავხდები, როგორიც დანია. ის სწორედ იჯარით იყო წასული , შემდეგ კი გაცილებით გამოცდილი დაბრუნდა და საუკეთესო ფეხბურთი ითამაშა.“


„უბრალოდ მსურს, რომ ძალიან კარგი ხარისხის ფეხბურთი ვაჩვენო და გუნდს გამოვადგე. მე არ მაინტერესებს კონკურენცია. აქ იმისთვის ჩამოვედი, რომ გუნდისთვის კარგი საქმეების გაკეთება შევძლო. მენდი და სხვები? ფრანგმა წლების მანძილზე დაამტკიცა საკუთარი დონე, ის ძალიან ძალიან მაღალი კლასის განაპირა მცველია.“

„რობერტო კარლოსი და მარსელო ჩემთვის ყოველთვის სამაგალითოები იყვნენ, მარცხენა მცველებს შორის ისინი ყოველთვის გამორჩეულ ფეხბურთს თამაშობდნენ და მიხარია, რომ ეპოქა უნდა გავაგრძელო. მახსოვს, კასტილიაში თამაშის ეპოქა, როდესაც კარლოსი ხშირად მიჭერდა მხარს.“

„ვინისიუსთან ერთად შეტევის ორგანიზება საინტერესო იქნება, ჩვენ მარცხენა ფლანგი ძალიან მწვავე და სოლიდური უნდა გავხადოთ. მზად ვარ, მაქსიმალური მიზნებისთვის ვიბრძოლო.“