ესპანური და ფრანგული გამოცემების ცნობით, „რეალი“ მზად არის, კილიან მბაპეს სანაცვლოდ გრძელვადიანი სესხიც კი აიღოს და ახალი სატრანსფერო რეკორდი დაამყაროს...

ფლორენტინო პერესი წარმატების გასაღებს და კარიმ ბენზემას მთავარ შემცვლელს სწორედ მბაპეში ხედავს, სწორედ ამიტომ „პსჟ“-სთვის 300 მილიონი ევროს შეთავაზებას აპირებს.

თავის მხრივ, ზეწოლას მბაპეც აძლიერებს, რომელსაც პარიზის დატოვება სურს, თუმცა იცის, რამდენად რთულია ფრანგულ კლუბთან მოლაპარაკებები.

იმ შემთხვევაში, თუ შეთანხმება შედგება, მბაპე მსოფლიო ისტორიის ყველაზე ძვირადღირებული ფეხბურთელის სტატუსს მოირგებს.