დავიდ ალაბა ალფონსო დეივისს კარგად იცნობს. ისინი ერთ გუნდში თამაშობდნენ. მეტიც, ავსტრიელი ფეხბურთელი კანადელ მოთამაშეს ასპარეზზე გამოსვლაში ეხმარებოდა...

დეივისს მადრიდში თამაში ისედაც სურს, ალაბა კი მის სურვილს კიდევ უფრო აღვივებს. გამომდინარე იქედან, რომ მიუნხენის „ბაიერნი“ კანადელი განაპირა მცველის გაშვების კატეგორიული წინააღმდეგია, სიტუაცია რთულდება, სწორედ ამიტომ, „ბლანკოსს“ სურს, რომ ზეწოლა თავად მოთამაშემ გააძლიეროს.

სამეფო კლუბი მზად არის, „რეკორდმაისტერს“ 80 მილიონ ევრომდე გადაუხადოს, რაც დაბალი ფასი ნამდვილად არ გახლავთ.

პერესის აზრით, დეივისის სამეფო კლუბში გასვლა, მინიმუმ 10 წლიანი პროექტის განვითარებას შეუწყობს ხელს.