ბენჟამინ პავარს მიუნხენის „ბაიერნთან“ არსებული ხელშეკრულება 1 წელიწადში ეწურება, ახალი კონტრაქტი კი ჯერ არ არსებობს, რაც მადრიდის „რეალის“ მისი დამატების კარგ შანსს აძლევს, თანაც დაბალ ფასად...

მადრიდული გამოცემების ცნობით, „რეალს“ პავარის კანდიდატურა არ დავიწყებია და მიიჩნევს, რომ ფეხბურთელის ტრანსფერი დაახლოებით 25 მილიონ ევროდ იქნება შესაძლებელი.

პავარი 27 წლის არის და უკვე საკმაოდ დიდ გამოცდილებას ფლობს.

იმ ფონზე, რომ „ბლანკოსის“ დაცვის მარჯვენა ფლანგზე გარკვეული პრობლემებია, ფლორენტინო პერესი ახალი ფეხბურთელის მოყვანას სერიოზულად განიხილავს.

თუ „ბაიერნი“ ფრანგ მცველს ახალ კონტრაქტზე ვერ შეუთანხმდება, მისი გაშვების შანსი მართლაც არსებობს.