იტალიური გამოცემების ცნობით, სრულიად მოულოდნელად, ლუკას ვასკესმა შესაძლოა კლუბი შეიცვალოს...

ესპანელი ფეხბურთელის შესაძლებლობებით ტურინის „იუვენტუსია“ დაინტერესებული, რომელიც მზად არის, სამეფო კლუბს 11 მილიონი ევრო გადაუხადოს, ხოლო თავად ვასკესთან 4 წლით ითანამშრომლოს.

ვასკესს სამეფო კლუბთან არსებული ხელშეკრულება 1 წელიწადში, 2024 წლის 30 ივნისს ეწურება, მის წასვლასთან დაკავშირებით კი საერთოდ არაფერი ისმოდა, თუმცა ფაქტია, რომ იტალიური გამოცემები დარწმუნებით იუწყებიან „ბებერი ქალბატონის“ მხრიდან გამოთქმული სერიოზული ინტერესის შესახებ.