მადრიდის „რეალი“ განიხილავს ყველა წინადადებას, რომელიც ალვარო ოდრიოზოლას მიმართულებით იქნება წამოჭრილი...

ცნობილია, რომ განაპირა მცველის დამატება „სოსიედადს“ სურს, მაგრამ ბასკური კლუბი ფეხბურთელს უფასოდ ეპატიჟება, „რეალს“ კი მისი გაყიდვა სურს, სწორედ ამიტომ სხვა კლუბებთან აპირებს მოლაპარაკებების წარმოებას.

„ას“-ის ინფორმაციით, ალვაროს გაშვების პროცესი დაწყებულია და „ბლანკოსი“ ყველა შემოთავაზებას განხილვას უქვემდებარებს.

დაუდასტურებელი ინფორმაციით, „რეალს“ ოდრიოზოლას სანაცვლოდ 8-10 მილიონი ევროს მიღება სურს და მიიჩნევს, რომ ეს ფასი საკმაოდ რეალური და ადეკვატურია.