მოგეხსენებათ, მადრიდის "რეალის" ხელმძღვანელობა გამოცდილი ფორვარდის ძიებაშია, რადგან გუნდში მხოლოდ ორი წინა ხაზის მოთამაშე ირიცხება კარიმ ბენზემასა და გონსალო იგუაინის სახით. ჟოზე მოურინიოს კი მესამე თავდამსხმელის დამატება სურს. იდეალურ კანდიდატად კი ემანეულ ადებაიორი ესახება, რომელიც ამჟამად მანჩესტერ სიტის ღირსებას იცავს...

ტოგოელ ფეხბურთელს მთავარ მწვრთნელთან ძალიან ცუდი ურთიერთობა აქვს და გუნდიდან აბარგება სურს. თითქოს ყველაფერი "ბლანკოსის" სასიკეთოდ მიდიოდა, მაგრამ ინგლისურმა გამოცემამ "Daily Mirror" გამოაქვეყნა ინფორმაცია, რომ ადებაიორის შეძენით ასევე მერსისაიდული ლივერპულია დაინტერესებული.

"წითლები" 14 მილიონ ევროს ჩამოდიან, რომელიც მანჩესტერელთათვის არ არის სახარბიელო, რადგან ესპანელები ტოგოელ ფეხბურთელში 19-20 მილიონის გადახდას აპირებენ, მაგრამ პრობლემა თავად ადებაიორშია. იგი აცხადებს, რომ ან ტურინის იუვენტუსში სურს გადასვლა, ან პრემიერ ლიგის სხვა რომელიმე კლუბში, მადრიდის "რეალზე" მას სიტყვა არ დაუძრავს, ჯერჯერობით მისი მომავალი ბურუსით არის მოცული, ყველაფერს მომდევნო 8-9 დღე გადაწყვეტს.