მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა...

14 წლიანი კარიერის შემდეგ სამეფო კლუბს ლეგენდარული ფეხბურთელი - კარიმ ბენზემა ემშვიდობება.

დასრულდა ბრწყინვალე და დაუვიწყარი ეტაპი, რომელიც მადრიდის „რეალში“ ბენზემამ გაატარა.

2009 წელს ფრანგი ფორვარდი „ბლანკოსის“ რიგებში ჩაირიცხება და მას შემდეგ კლუბში 25 ტიტული მოიგო, მათ შორის არის ჩემპიონთა ლიგის 5 თასიც.

ბენზემა „ბლანკოსის“ ისტორიაში მეხუთე ფეხბურთელია, რომელსაც ყველაზე მეტი მატჩი აქვს ჩატარებული, მის ანგარიშზე 647 დაპირისპირება ირიცხება, სადაც 353 გოლის გატნაა შეძლო.

კარიმ ბენზემას კარიერა მადრიდის „რეალში“ იყო ქცევისა და პროფესიონალიზმის მაგალითი და წარმოადგენდა ჩვენი კლუბის ღირებულებებს. წინახაზელმა მოიპოვა უფლება გადაწყვიტოს თავისი მომავალი.

მადრიდისტები და მთელი მსოფლიოს გულშემატკივრები ტკბებოდნენ მისი ჯადოსნური და უნიკალური ფეხბურთით, რამაც იგი ჩვენი კლუბის ერთ-ერთ დიდ მითად და მსოფლიო ფეხბურთის ერთ-ერთ დიდ ლეგენდად აქცია.

მადრიდის „რეალი" არის და იქნება ყოველთვის მისი სახლი და კლუბი საუკეთესოს უსურვებს ცხოვრების ამ ახალ ეტაპზე.

სამშაბათს, 6 ივნისს, შუადღის 14:00 საათზე, ჩვენი პრეზიდენტის, ფლორენტინო პერესის თანდასწრებით, გაიმართება კარიმ ბენზემასადმი მიძღვნილი ღონისძიება, პატივისცემისა და უდიდესი სიყვარულის ნიშნად.