რეალ „სოსიედადს“ ალვარო ოდრიოზოლას დამატება ნამდვილად სურს, თუმცა უფასოდ...

მადრიდის „რეალი“ პარტნიორი კლუბისგან თანხას ითხოვს, მაგრამ როგორც ჩანს, ბასკური მხარე მაქსიმალურად ცდილობს არსებული სიტუაციის სათავისოდ გამოყენებას და განაპირა მცველის უფასოდ დამატებას.

ესპანური გამოცემების ცნობით, „ბლანკოსი“ ოდრიოზოლასთან დაკავშირებით სიჩქარეს არ გეგმავს. პერესი მიიჩნევს, რომ თუ „სოსიედადი“ თანხას არ გადაიხადის, ალვაროს სხვა კლუბი წაიყვანს, რომელიც „მერენგების“ მოთხოვნებს დააკმაყოფილებს.