მადრიდის „რეალი“ ჰარი კეინის ტრანსფერისთვის სწრაფი ნაბიჯების გადადგმას იწყებს...

გავრცელებული ინფორმაციით, „ბლანკოსმა“ „ტოტენჰემს“ უკვე მიმართა და ჰარის მიმართ ინტერესი გამოიჩინა. მეტიც, მომდევნო კვირაში მადრიდული დელეგაცია ინგლისის დედაქალაქში ვიზიტს და „ტოტენჰემის“ ხელმძღვანელობასთან შეხვედრას გეგმავს.

ჯერ-ჯერობით არ სახელდება ზუსტი ციფრი, მაგრამ „ბლანკოსს“ კეინისთვის თანხა უკვე გამზადებული აქვს.

ასევე დასრულდა კონტრაქტის ფორმულირებაც, რომელიც 4 წლიანი იქნება და ვადა 2027 წლის 30 ივნისს ამოეწურება.

ცნობილია, რომ ჰარის ხელფასი „ტოტენჰემში“ წლიურად 10.4 მილიონია. თავის მხრივ, მადრიდული გრანდი ინგლისელ ფეხბურთელთან 10 მილიონზე აპირებს შეთანხმებას.