ანჩელოტი:„ბენზემას მომავალი გადაწყვეტილია“
კარლო ანჩელოტიმ „ბილბაოსთან“ დაპირისპირების წინ პრესკონფერენცია გამართა...
„მოთამაშეები სათამაშოდ მზად არიან. ჩვენ გვსურს ლა ლიგის მეორე ადგილზე დასრულება, სწორედ ამიტომ „ბილბაოს“ უნდა მოვიგოთ და აქტივში 80 ქულა ჩავიწეროთ.“
„ჰარი კეინის ტრანსფერი? ამაზე ახლა როგორ გესაუბროთ? დარწმუნებული ვარ, ამ საკითხის მიმართ ინტერესი დიდია, მაგრამ მოდით პატივი ვცეთ „ტოტენჰემს“ და ახლა ამაზე ნუ ვისაუბრებთ.“
„ზოგიერთ მოთამაშეს ამ წელს კონტრაქტი ეწურება. შემადგენლობა შეიცვლება, ამაზე შემიძლია მართლაც ვისაუბრო.“
„გარწმუნებთ, რომ მადრიდის „რეალი“ მომდევნო სეზონში გაცილებით ძლიერი იქნება, ვიდრე ახლა.“
„ჩემს კარიერაზე საუბარს აღარ ვაპირებ. არაერთხელ ვთქვი და ახლაც ვიტყვი, რომ „მერენგების“ სადარაჯოზე ბედნიერი ვარ.“
„ყველა ფეხბურთელი კმაყოფილი ვერ იქნება, თუმცა არჩევანს ყოველთვის მათზე ვაკეთებ, ვინც ფორმაშია. სეზონს მეტ-ნაკლებად პოზიტიურად ვაფასებ და მივიჩნევ, რომ შანსი ყველას მივეცი.“
„ნაჩო და სებალიოსი? მათ კლუბმა სრული თავისუფლება მისცა. ორივე მოთამაშემ იცის, რას ვფიქრობ მათზე.“
„ვეთანხმები ბენზემას. ინტერნეტში ყოველთვის ყველაფერი მართალი არ იწერება. ცალსახად უნდა ითქვას, რომ ის კიდევ 1 წლიან კონტრაქტს შეასრულებს.“
„კარიმი „ბილბაოს“ წინააღმდეგ სათამაშოდ მზად არის.“
„სერხიო რამოსი? მას პარიზის დატოვება უწევს. ესპანელს წარმატებებს ვუსურვებ. ლეგენდის დაბრუნება? დიახ, ის „რეალში“ ადრე თუ გვიან დაბრუნდება, თუმცა არა ფეხბურთელის, არამედ სხვა ამპლუაში.“
„ბრაჰიმ დიასის ტრანსფერზე ჯერ-ჯერობით ვერაფერს გეტყვით, ჩვენ ინტენსიურად ვმუშაობთ გუნდის განახლებაზე. მომდევნო სეზონში „რეალი“ ძლიერი იქნება.“
- 3 ივნისი 2023
- 2 145
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.