ის, რომ ჯუდ ბელინგემი „რეალის“ ფეხბურთელი გახდება ცნობილია და ეჭვი არავის ეპარება, თუმცა ბორუსიულმა კლუბმა ახალი პირობა წამოაყენა...

გერმანელებს სურთ, რომ შეთანხმებაში ჩაიდოს პუნქტი, რომლის მიხედვითაც, „რეალის“ მხრიდან ბელინგემის გაშვების შემთხვევაში, სატრანსფერო თანხის 10%-ს „დორტმუნდი“ მიიღებს.

მადრიდული გრანდი ამის კატეგორიული წინააღმდეგია და მიიჩნევს, რომ წლების შემდეგ ჯუდის გასხვისების შემთხვევასთან „დორტმუნდს“ არანაირი შემხებლობა არ უნდა ჰქონდეს.

ესპანური გამოცემების ცნობით, ამ პუნქტთან დაკავშირებით პოზიციების შეჯერების შემდეგ „რეალი“ ბელინგემის ტრანსფერს ოფიციალურად გამოაცხადებს.