Relevo-ს ცნობით, კაი ჰავერცის მიმართ მადრიდის „რეალის“ ინტერესი რეალურია...

ბრიტანული გამოცემები კი იუწყებიან, რომ ფლორენტინო პერესმა სპეციალურ ჯგუფს ლონდონის „ჩელსისთან“ მოლაპარაკებები დაავალა.

მადრიდული გრანდი გერმანელი ფეხბურთელისთვის 6 წლიან კონტრაქტს ამზადებს და თვლის, რომ ის ლა ლიგას შესანიშნავად მოერგება.

კაის მიმართ ინტერესი 2020 წელსაც არსებობდა, მაგრამ კოვიდ პანდემიის გამო შეცვლილმა სატრანსფერო პოლიტიკამ „ბლანკოსს“ მისი დამატების საშუალება არ მისცა.

მადრიდელებს იმედი აქვთ, რომ ამ ეტაპზე მაინც შეძლებენ კაისთან ურთიერთობას.