„მარკას“ ინფორმაცით, მადრიდის „რეალს“ კოლო მუანის კანდიდატურის განხილვას ურჩევენ...

„ბლანკოსთან“ დაახლოვებული არაერთი პირი მიიჩნევს, რომ ახალგაზრდა შემტევს შეუძლია „მერენგების“ რიგების და კონკრეტულად შეტევის ხაზის მნიშვნელოვანი გაძლიერება, სწორედ ამიტომ მასზე დაფიქრება ღირს.

რანდალი ბუნდესლიგის აწ უკვე გასულ სეზონში მოედანზე 32-ჯერ გამოჩნდა, სადაც 15 გოლის გატანა და 14 საგოლე გადაცემის გაკეთება შეძლო.

გარდა ამისა 24 წლის შემტევის ანგარიშზე ჩემპიონთა ლიგაზე 7 დაპირისპირება და 2 გოლი დაფიქსირდა.

მუანის „აინტრახთან“ ხელშეკრულება 2027 წელს ეწურება, მისი ფასი კი 65 მილიონი ევროა.