ნაჩო ფერნანდესის წასვლის შემთხვევაში, ფლორენტინო პერესი ცენტრალური მცველის დამატებას არ აპირებს...

ვრცელდება ინფორმაცია, რომლის მიხედვითაც, ნაჩეტეს კასტილიელი რაფა მარინი შეცვლის, რომლის მთავარ გუნდში გადაყვანა შარშანაც იგეგმებოდა, თუმცა საბოლოო ჯამში უკანახაზელი რაულის განკარგულებაში დარჩა.

რაფა მარინს ევროპის არაერთი კლუბი ეპატიჟება და თუ მისი დაწინაურება არ მოხდება, რა თქმა უნდა სხვაგან გაიკვალავს გზას.

მადრიდში თვლიან, რომ ნაჩოს წასვლის შემთხვევასი მარინის მთავარ გუნდში გადაყვანა იდეალური გადაწყვეტილება იქნება, ვინაიდან ის მიიღებს შანსს და გამოავლენს შესაძლებლობებს.

იმ ფონზე, რომ „ბლანკოსს“ ნაჩოს უნივერსალობა იმდენად აღარ დასჭირდება, როგორც წელს, რაფა მარინს დაცვის ცენტრში მოუწევს თამაში და ყოველგვარი ექსპერიმენტებისგან თავს შეიკავებს.

ნაჩო ამ სეზონში ხშირად იკავებდა მარცხენა მცველის პოზიციას, თუმცა მომდევნო სეზონში სამეფო კლუბს ფრან გარსიაც ემატება და ამ მხრივ პრობლემები აღარ იქნება.