ესპანური გამოცემების ცნობით, თუ კარიმ ბენზემა გუნდს დატოვებს, ფლორენტინო პერესმა ჰარი კეინს და რობერტო ფირმინოს ერთად დაიმატებს...

ბრაზილიელი წინახაზელის დამატება ძალიან მარტივი იქნება, ვინაიდან ის თავისუფალი აგენტის სტატუსს ფლობს და სამეფო კლუბს უფასოდ შეუერთდება, კეინისთვის კი გუნდმა თანხა უნდა გადაიხადოს.

„რეალში“ თვლიან, რომ თუ ბენზემა წავა, წინახაზელებზე სერიოზული ზრუნვა გახდება საჭირო, სწორედ ამიტომ პერესი გამოსავალს კეინსა და ფირმინოში ხედავს, ამას ემატება ხოსელუც, რომლის გამადრიდელებაც ფაქტობრივად გადაწყვეტილია.

მადრიდული გამოცემები იუწყებიან, რომ „ბლანკოსი“ აჩქარებას არ აპირებს და ბენზემას საბოლოო გადაწყვეტილებას ელოდება, თუ კაპიტანი წავა, მაშინ პრეზიდენტი ქმედით ნაბიჯებს გადადგამს.