„მარკას“ ცნობით, მადრიდის „რეალიდან“ 3 ესპანელი ფეხბურთელის წასვლა სავსებით რეალურია...

როგორც სებალიოსს და მარკო ასენსიოს, ასევე ნაჩო ფერნანდესს კონტრაქტი ეწურებათ.

„მარკას“ ცნობით, ახალ კონტრაქტთან დაკავშირებით არცერთ ფეხბურთელთან არ არის შეთანხმება მიღწეული.

იმ შემთხვევაში, თუ „რეალს“ სამივე ესპანელი დატოვებს, გუნდში ადგილობრივი მხოლოდ დანიელ კარვახალი ლუკას ვასკესი დარჩებიან, ვინაიდან ხესუს ვალიეხო და ალვარო ოდრიოზოლა ისედაც მიდიან.

თუ ჭორები გამართლდება, „ბლანკოსში“ 21-ე საუკუნის უპრეცენტო შემთხვევასთან გვექნება საქმე, ვინაიდან მიმდინარე საუკუნეში არცერთხელ არ დაფიქსირებულა შემთხვევა, როდესაც კლუბში მხოლოდ 2 ესპანელი ირიცხებოდა.