იტალიური გამოცემების ცნობით, მადრიდის „რეალი“ დუშან ვლაჰოვიჩთან დაკავშირებით ნაბიჯების გადადგმას იწყებს...

ფლორენტინო პერესი არაერთი მიმართულებით მუშაობს, თუმცა ამ ეტაპზე „რეალის“ ოფისებში ყველაზე ხშირად ხოსელუს და ვლაჰოვიჩის გვარები ისმის.

იტალიელთა ცნობით, დუშანს „იუვენტუსის“ დატოვება სურს და „ბლანკოსში“ დიდი მოტივაციით გაემგზავრებოდა, თუმცა უცნობია, აუნთებს თუ არა „ბებერი ქალბატონის“ ხელმძღვანელობა წინახაზელს მწვანეს.

AS კი იუწყება, რომ „რეალი“ ივნისის თვეს აქტიურად დაიწყებს და მაქსიმალურად ეცდება, ტრანსფერები მალე დაასრულოს, რათა პრე-სეზონის სტარტს გუნდი ჩამოყალიბებული შემადგენლობით შეხვდეს.